Leve våren

Eg løfter mitt blikk mot den strålande dagen

den brenn som eit under for alle

Eg ligg her i graset i grønkande hagen

og sola ho steikjer min skalle

Eg ser ut i draumen av spirande flora

som vinkar i vårbrisar linne

I bjørka på tunet her skvaldrar no skjora

ho kattane tergar til sinne

Det beinflyg ei fluge med kvinande låtar

som buldrar i vårvàre øyre

På fjorden det dunkar frå nylakka båtar

den vakraste vårlyd eg høyre

Frå fjella eg lyer ei klukkande læte

av bekkar som leikande fløymer

Og gylla ho luktar av stinkande væte

so grasstråa grøderikt strøymer

Det brækar av sauer med sprengfylde spener
so lamma med halane tirrar
Og sonen i huset med nyfrelste gener
han lettkledde jentene pirrar

Trompeten til frua eg brått lyer sanse
eit vitne om lysteleg hjarte 

Det ulmar i tanken ein bankande transe

av vårdagar rike og bjarte

No yrer det glede av livslyse stunder

so vårgraset kitlar min mage

For solkjære fuglar eit lukkeleg under
som sorgfrie dagar kan lage

Tekst og foto 
G.Skaar